ازاى تشترى اى فون ومعرفه ان كان مقفول شبكات ام مقفول اى كلاود (لوست –كلين)

ازاى تشترى اى فون ومعرفه ان كان مقفول شبكات ام مقفول اى كلاود (لوست –كلين)
فيه ناس كتيره بتسترخص اى اىفون وتجرى تشتريه لانو رخيص ومتعرفش هو حالتو ايه ومقفول وله مفتوح شبكات وبعد كده يرجع يندم انه اشتراه وميعرفش ان الفون ده مقفول شبكه وله مقفول اى كلاود
واحنا كمصريين عندنا مشكله ان احنا ممكن نشترى اى فون 6 او 6+ ب 1500 ومعاه كل حاجه وكده يبقي ضحكنا عليه وممكن هو اللى اضحك عليه علشان ممكن يكون مقفول شبكه او مقفول اي كلاود
فيه طريق شراء اى فون بطريقه مخفضه بس لازم يكون ليك حد ف امريكا وممكن تشتريه بسعر 199$ للنسخه 16جيجا بالنسبه لاى فون 6 والنسخه 64 ب 299$ وده بيكون مقفول ع شبكه AT&T وعلشان تفك الفون ده ف مصر وبكده ممكن بعد الفك يقف عليك الفون ب 2500الى 3500 بفك الشبكه
ليك طريقتااااااااان : (طريقه فك الشبكات لاى فون 6 داخل مصر)
الطريقه الاولى :
عن طريقه شريحه اسمها تربو سيم R10 ودى بتحطها على الشريحه وليها طريقه تنشيط مره واحده وهتشتغل معاك كل الشبكات دون اى مشاكل ودى بتترواح مابين 250 :300 ج فى مصر عيب بتاعو انه مينفعش تحدث الفون
الطريقه الثانيه:
بتدفع حوالى 1000:1500 ج دول بتدفعهم لشركه ابل علشان تطلبهم بان الفون ده عايزه تشغلو كل الشبكات ودى رسوم تشغيل للشبكات جوه مصر وتقريبا اضمن ناس بيعملوها اسمهم سلسبيل بالدقى وبتاخد فتره مابين 10 :15 يوم وبعد كده الفون يشتغل معاك علطوول بدون اى مشكله وممكن تحديث ومفيش اى مشكله
ازاى بقى اعرف الفون ده مقفول شبكات ام اى كلاود ام الاثنين ومن انهى دوله
فيه حاجه اسمها ف الاى فون IMEI وده رقم تسلسل للاى فون وبيوضحلك كل حاجه عن الاى فون والدوله اللى نزل فيها وتاريخ شرائه وهل هو مقفول وله مفتوح شبكات وده عن طريق كذا موقع ومنهم :
http://iphoneimei.info/
http://www.imei.info/
والموقع ده هيعرفك كل حاجه عن الاى فون اللى هتشتريه وحاله الفون والشبكه والاى كلاود
واى حد يشترى اى فون يعرف انه من اصعب الانظمه موجوده ف التلفونات ومن احسن الانظمه وصعب دخول اى برامج مضر او وهميه لان كل يوم ابل بتعمل ع فك كل ثغره امام اى اختراق لنظامها وكل يوم بيزودو الابتكار للحمايه الاكثر
ومحدش يضحك عليك ويقولك انا هشترى اى فون بسعر قليل
لان انته متعرفش هتاخدو ومش هتعرف تعمل بيه حاجه ويبقى ذى الحديده ملوش لازمه معاك
تحديث لفك الاى كلاود :
من الصعب الان فك الاى كلاود ال lost لان الشركه تقريبا قفلت كل السيرفرات والثغرات اللى كانت بتفتح من خلالها الفون واللى بيفكو بيعملو ليه نسخه وهميه لالاى فون وده اكبر خطا وبيقلل من امكانيات الفعليه للجهاز وبيعمل ع تهنج الجهاز ومش هتعرف لا تحدث الفون وله تحدث البرامج ولو قفل منك من الصعب انك تفتحتو تانى
اما الكلين فذى مشرحت المره اللى فاتت ولازلت تعمل بس السيرفرات كل يوم بتتغير بس ان ابل كل يوم بتقفل السيرفرات دى